هـــــذا..+.. أنا ..+.. ،،، فمن أنت ؟؟

أخي )؟( الدنـ السوري ـجر )؟(

اقتباس :: سيسيليا الرائعة وااااا يسلمو على مبادرتك الحلوى متلك

أهلين ... شكرا لإلك على مرورك الجميل كالعادة Smile

اقتباس :: أنهيت من دراسة الثالث ثانوي لهذا على وجهي الفرحة ولم أخلعه منذ أيام

ألف مبررووووك cheers

الحال من بعضو !! lol!

اقتباس :: وطبعاً من أوائل اهتماماتي القراءة بحب إقراء روايات وكتب لعمالقة كبار

متل كمال جنبلاط واحلام مستغانمي والشاعر نزار قباني

كتير حلو .. شفتي لمووش صرنا 3 Very Happy

طيب بدنا نسألك أسئلة إذا ما عندك ماانع Smile

1 ) بتحب المقالب ؟؟ و لو صار فيك مقلب أو مع حدن من رفقاتك بدنا تخبرنا يا Twisted Evil

2 ) لو خيروك بتسافر بالسيارة ولا بالسفينة !! شو بتختار و ليش ؟

3 ) شو أحلى فلم أجنبي حضرتو و أثر فيك ؟ و ليش ؟؟

و شكرا على المشاركة مرة تاني bom

تحياتي

موضوع كتير حلو و بيريّح الذات
عمري تقريبا 17 ونص
اول شي منبدا بالهوايات
انا احلى هواياتي هي السباحة والكمبيوتر والسفر و المطالعة
بالنسبة للاكل انا اهم اكلة عندي هي الرز مع شو ما كان ..!! والبيتزا
و بحب من الحيوانات الكلب !!!! بس pig

اهم شي الصبح المتة او الكابونشينو حسب ما ملّ من كل وحدة
انا بحب اسمع الاغاني في كل وقت و فيروز في الصبح وبفضل من الاغاني
الاغاني الخليجية لأنو بحس فيها تعبير عن الاحساس بكلمات رائعة و شذية
بالاضافة الى اغاني جورج وسوف .. نجوى كرم .. عمرو دياب .. اليسا !!
واحب من الاسماء bom

ما شابه اسمها bom

ههههه !!
بحب اسم مالك للشب و اسم تماضر للبنت
وبحب اللون الاسود
افضل شاعر عندي هو جبران خليل جبران

انا بحب الصديق لحد العشق
لذلك لما بيبتعد او بقصر كتير بتأثر Sad

و لحد الان ما وجدت ذلك الصديق
كمان بعتبر انو الشخص لازم يبني شعبيته قبل ما يبني ذاته و مستقبله

~ sisilya ~ كتب:: مممممم

أوكي عندي كم من سؤال إلك يا لميس ::

1) شو إسما ستك ؟ و بدي التنتين لأمك و لبيك

اسم ستي...

شو بدك فيها...وحدة ماتت الله يرحمها

والثاني بعدا عايشي...الله يطول بعمرها
2) شو هواياتك ؟؟

بحب القراءة...بس مو كتير حسب مزاجي

بحب الاستماع للاغاني...والرقص:oops:

3) بتخافي من العتمة ؟؟

لا ما خاف الحمدلله....قلبي قوي

4) لو رحتي عالمطعم ، شو بدك تطلبي (( غير البطاطا المقلية ))

بيتزا...او كنتاكي ...او همبورغر ....( بس الافضلية للبيتزا )مرورك بيعقد

طيب ..

انا عندي كم سؤال كمان...

شو بس انت بتسأليني..

بتحبي تحضري الاعراس ...بسويداء؟ ...( احلى الشي )

بتحبي المجدرة..؟؟

لو خيروكي بين النوم او الاكل...شو بتختاري؟؟

مين هوي مثلك الاعلى بالحياة..؟؟

سلاااااااااااااااااااااااام

أخي الباشق ...

اقتباس :: بحب اسم مالك للشب و اسم تماضر للبنت

الصرااااحة أول مرة بسمع بهالإسم : تماضر Exclamation

مرورك كتير حلو ... بس ما رح تمرق على هيك ...

لازم نسألك كم من سؤال Twisted Evil

1) شو يعني تماضر lol!

!!

2) وين ساكن ؟؟ قصدي بأي بلد ؟؟

3) ليش ما بتحب البسس (( القطط Laughing

)) ولو مش حرام عليك Crying or Very sad

؟؟

و شكرا كتييير لمرورك أخي ...

لمووووس

:

اقتباس :: انا عندي كم سؤال كمان...

شو بس انت بتسأليني..

لا يا حبيبتي ,., سألي يلي بدك ياه Wink

اقتباس :: بتحبي تحضري الاعراس ...بسويداء؟ ...( احلى الشي )

بتحبي المجدرة..؟؟

لو خيروكي بين النوم او الاكل...شو بتختاري؟؟

مين هوي مثلك الاعلى بالحياة..؟؟

1 ) منشان الأعراس ... كتييييير بحب روح و إنبسط .. بس ما بحب روح
على الصالات المسكرة ... بنختنق جوا !! و راسنا بيصير يفتل مع المراوح lol!

2 ) مبااارح بعدنا أكلنا مجدرة ...

أكيد بحبا .. و الله كتير طيبة ، خصيصا مع السلطة و اللبن bom

و على فكرة مبارح كمان عملنا بطاطا مقلية .. و إجيتي ببالي Very Happy

3 ) النوم و الأكل ... ممم أنا ما بحب آكل إيمتا ما كان ..

بس بعتقد رح إختار الأكل Rolling Eyes

(( إلا إذا كنت عاملة روووجيم Shocked

))

لأني ما بنام باليوم كلو أكتر من 6 أو 7 ساعات ...
و حتى لو سهرت للساعة 4 الصبح ... بفيق بكير Crying or Very sad

و مستحيل إقدر إرجع نام ...

4 ) مثلي الأعلى بالحياة ...
ماما ..

و شكرا كتير عالمرور لموووس ..

مستنيينك ..

يعني لو فيكي تخبرينا بعد أشياء Smile

يسعد اوقاتكم يا جماعة كيف الحال ؟؟؟

اولاً مشكورة خيتو على الموضوع الحلو لانه بيخلي الاعضاء يتعرفوا على بعض اكثر
وبيصيروا اسرة وحدة وبتقوى العلاقة بينهم

اسمي يسري عمري 24 سنة وكم شهر، اعمل في مجال الكمبيوتر انا حالياً في السعودية متشوق جداً لأرجع على سورية
برجي العقرب لوني المفضل العنابي مطربي المفضل لا أحد على قولة المثل (الجدي بسعر امه)

بما انكم كلكم فجعانين واول شي عم تحكوا عن الاكل رح ابدأ مثلكم

انا ما بكره غير الصحن الفاضي يعني ما في عندي مشكلة شو ما كان الاكل (نيال مرتي عليَّ) طبعا
انا لسى عزابي Sad

المهم هوايات السباحة لكن مو بالبحر بحب اسبح بالمي الحلوى فقط اما بالنسبة
للبحر بحب شوفه واتمتع بمنظر وما بحب انزل عليه (لانه مثل النساء ههههههههه) ولا تسألوني ليش ما بحب اسبح
بالبحر لاني بخاف منه وما بعرف ليش بخاف منه اصلاً .

غير هيك .......غير هيك ............... اممم
صديقي المفضل هو عديل الروح برهان غانم ان شاالله شوفه بخير يا رب وعلى فكرة صار لي اكثر
من سنتين مش شايفه من غير شر

ما اتمناه وانا عم اكتب اني شوف كل الاعضاء واتعرف عليهم شخصياً لاني اجتماعي لدرجة كبيرة

هذا يلي هلق فاكره واذا جد شي بخبركم

اخوكم : يسري

ومشكورة يا الغالية سوسو على الموضوع مرّة ثانية

الأخ يسري غانم ..

أهلا و سهلا فيك ..

اقتباس :: انا ما بكره غير الصحن الفاضي يعني ما في عندي مشكلة شو ما كان الاكل

عنجد نيالك !!
أنا بعرف ناس عايشين عالبطاطا المقلية و الكاتشاب !! Shocked

طيب حابين نسألك كم من سؤال إذا ما عندك مانع Very Happy

:

1) شو أكتر إسم بتحبو ؟؟

2) ليش بتحب اللون العنابي ؟

3) لو خيروك بين سفر البحر ولا البر... شو بتختار ، و ليش ؟؟

و شكرا عالمشاركة Very Happy

مشرف عدد الرسائل : 357 تاريخ التسجيل : 26/03/2007

سيسيليا..اسمك حلو وموضوعك مميز وضروري لحتى نتعرف على كل الاعضاء طبعا لي بيشاركو بالموضوع

اناااااااا ما ادراك من انا

انا اول مرة بحكي عن حالي scratch

بس حلو الواحد يقول انا

بيقولو عني غير اجتماعيه مع اني بحب الناس...زيارات بلا طعمه ما بحبها بروح بالاعياد والمناسبات القوميه Very Happy

بحب كل شي بينطبخ بالبيت ما بحب اكل السوق ابداااااااااااا..ولا اي شيئ محفوظ بعلب

حبيت الانترنت من الاساسيات في يومي..بحب المنتدى وكل الموجودين فيه..

صغار وكبار مو شرط اعرفن شخصيا بس كل واحد فيكم الو نكهه خاصة وكل واحد فيكم بحسو بيقربني وفي صله دم بيني وبينو وين ما كان عايش

بحب ولادي وبيتي واخواتي اكثر شي بالدنيا

بحب الضحك بحب الحياه بحب اتعلم كل شي جديد بالتكنولوجيا او حتى اخذ فكرة عنو..التشائم ما بيصلني بسهولة

التفائل والامل بيرافقني بشكل دائم..ان شاالله ما يبعد عني ولا عنكم Rolling Eyes

ما بعرف هيك انا وهيك طلع معي

مرحبا سيسي !!
اول شي منشان الاسم فهو اسم عرفتو في السعودية و معناه البيضاء الناعمة الطيِّبة العيش ، وهو اسم مشتق من المَضْر : اللبن أو النبيذ الحامض ، واسم أشهر شواعر العرب المُلقبة : بالخنساء .
معقول ما بتعرفي شو معنى هالاسم او سمعاني فيه

وانا كنت بالسعودية ورجعت على سورية من 4 سنين

ومن شان # البسس # ما بحبهن كتير لأنهن شرسين بعض الاحيان
وما الهن امان ((( وجهة نظر شخصية !!! ))))

اما بالنسبة للمرور فشكرا الك على القاء الضوء

على فكرة من شان معنى الاسم
صار معي مشكلي بالكمبيوتر و اخذت و قت حتى صارت
على كل حال الموضوع تعدل وفيكي تتطلعي علي !!!

الغالية : دايموند ..
أول شي أهلا و سهلا على المرور الحلو ...

اقتباس :: بحب كل شي بينطبخ بالبيت ما بحب اكل السوق ابداااااااااااا..ولا اي شيئ محفوظ بعلب

برافو !! أصلا كل شي بينطبخ برة البيت 99% مو منيح ..
لحتى ما بنعرف لو منضفينه متل الخلق قبل ما يطبخوه !!
بس أنا ما بقدر إلا آكل برة .. Crying or Very sad

اقتباس :: بحب الضحك بحب الحياه بحب اتعلم كل شي جديد بالتكنولوجيا او حتى اخذ فكرة عنو..التشائم ما بيصلني بسهولة

بحييكي على هالتفاؤل الحلو .. Smile

بليز لو عندك أشياء تاني حابة تقوليها .. نحنا حابين نسمع flower

تحياتي إلك ...

أخي الباشق ...

ما كتبتلنا معنا الاسم Laughing

بس يلا مو مشكلة ..
أهلا و سهلا فيك ..

مسيناكم او صبحناكم ما في مشكلة بالخير ..........!!!

اووووه أخت سيسليا وانت خلصتي بكلوريوس أي مبروك ونص

بس والله انا متحير او على الأغلب ما عم بتذكر انت شغل ادبي ام علمي

بحكم انك بتكرهي الرياضيات وياويلك نشاللة ما تبيعي خضرة بيوم من الأيام

وحياتك يا سيسي هربانين من الضحك لهيك لهيك المقالب مو مرغوب فيها

ممكن لأنه كل حياتنا مقالب او لأنه ما منعطي على بعض نحنا الشلة

يعني حتى وقت الأمتحانات بالقاعة منضحك كان عندنا(( بعيدن عنك)) امتحان رياضيات و صاحبي يطلع فيني

ويضحك هذا يعني انه ما عرفان يحل (او يمكن عم يضحك على حاله ) خطرلي كم موقف ما بصير قولن

سيسي انا وله مرة مسافر بالسفينة ...!! بس بحبها و أكيد بفضله على السيارة

بحكم انه مافي اجمل من البحر فوتي معي بالجو يعني في اجمل من انه السفينة ماشية

وهل لليل الحلو ووهل ظلام المسردم والنجوم الحلوي وصوت الموج يضرب بمقدمة السفينة

واووو أذا متل ما متخيلها بتجنن متخيل بارع صح ..!!

أي أي احلى فلم عندي ذافريديووم الحرية بتعنيلي كتير أمور وبيستهويني كل مناضل لأجلها

لهيك كتيركتير بحب Che_ guevara.

سكنان على أسألتك الحلوي وأي سؤال لا تترددي

مرحبا يا جماعة سيسي حلو موضوعك بس هيك حددتوا كيف الواحد يحكي عن حالوا على كل اسمي منى عمري 27 سنة اخصائية تجميل بعتبر كل شي بالحياة حلو من طبيعة من الناس من الفرح والحزن كل شي بخص الحياة

بالنسبة لاكل بحب كل الاكل ما عدا اكلة الهريسة والاكل الي فيه سمن عربي بحب اطبخ كتير وشطورة بالطبخ
هواياتي الموسيقى والانترنت بحب اقرا اكتر شي كتب بتخص السويداء وبشكل عام كل انواع الكتب
مطربي المفضل هو العندليب الاسمر عبد الحليم حافظ وشيرين بحب اغانيها كتير

بحب السفر بموت بالسويداء بس بحب استقر بدبي بتعجبني كتير
ما بعرف شو بعد بدي احكي خلص بكفي بسلامتكن

امممممممم

انا عمري 21
برجي الجدي
لساتني عم ادرس كلية أثار
بحب الاكل المطبوخ باللبن
ما بحب الحلو بحب المالـــــــــــــــــح كثير
بحب القهوة كثير كثير
بحب أصالة وراغب وفيروز وعازار
بحب الطلعات
الانترنت مرضي
بحب زور كندا بس ما بحب عيش برا السويدا
هوايتي اختصاصي
farao

شكرا سيليسيا انك خلتينا نتعرف ع الاعضاء
سلااااااااااااام

موضوع: معليش نتحشّر الخميس يونيو 28, 2007 5:47 am

مسا الخير :
مش طلال ... كشخصية افتراضية موجود في المنتدى العام ؟؟؟
وهو مسرور بالتعرف إليكم جميعا بشكل أكثر وضوحا يا أزاهير السويداء
وأتمنى فعلا أن يصل كل منكم إلى مبتغاه ويحقق آماله
أما عن الجانب الشخصي لمش طلال ...
فإسمي هو مشغلبالوبولاشيمحرز ويلقبونني أبو العابد مع أنني عازب ..
العمر 34 عاما برج العقرب ، وقد ولدت في الساعة الأشد خطورة على الكون حيث كانت أمي تصرخ ...
وهكذا نشأت ..
أعمل حسبما أذكر منذ وعيت على الدنيا
أحب الطبخ وأتقنه بامتياز وعملت شيف مطبخ ذات مرة من قبيل التجربة
مجاز في الحقوق قسم القانون الدولي ..
هاوي آثار باجتهاد شخصي أسوة بكل أبناء الجبل ولكني تعلمت ولم أسمع ..
أهم هواياتي القراءة وبعض الكتابة ,,, ولا أجد حرجا من التفاخر بمكتبتي التي تجاوزت ألفها الأول ..والتي جمعت معضمها على سنوات من سوق العتيق ( سوق الحراميي ) وكل كتاب يحمل تاريخ شراؤه ومصدره ). آخر كتاب قرأته هو الثالوث المحرّم ... وآخر رواية كانت إحدى عشرة دقيقة .. وآخر دراسة كانت شرق وغرب / رجولة وأنوثة / لجورج طرابيشي . وآخر قصيدة النجم يبحث عن مدار وهي بمنتهى الروعة ...
كما أملك مكتبة موسيقية زاخرة ... كونشيرتو .. سيمفونيات ,,, وأغاني الجبل كلها أسوة بحرصي على جمع كل تراثه الذي يصادفني ( جمع فقط ) وتبقى نجاة الصغيرة وفيروز وسيد مكاوي ومعاصروهم من مفضلات السماع عندي
وأنا مغرم بالأفلام ،، وخصوصا الطويلة منها أي الروائية ولدي منها ما يؤانسني عند كل مطب .. آخر الأفلام الرائعة التي حضرتها كان : الأسد في الشتاء .. و فيلم ذكريات الأيام لهوبكنز .
لا أفوت فرصة في ارتياد المسرح .. فالخشوع الذي ينتابني في حضرته جدير دائما بالعودة .
بالنسبة للأكل فأنا أكره الصحن الفارغ لكونه لا يؤكل ... وبالتالي أزن تقريبا حوالي كم طن و3 كيلو ..
رياضتي المفضلة الأيروبيك الخاص بالحنك ( تمرين المضغ ، والبلع ،، والهرج ) ولكني مستمع في أوقات الفراغ .
أربي كل أنواع الحيوانات أرانب ووز وبط ودجاج ودجاج فرعوني وحمام مقفوص في مداجن وحبش وقطط وكلاب مختارة بعناية .. وطبيعي أن تعتاش بعض الفئران على بقايا طعام هذا الفريق .. علما بأنني قريبا سأعد لاقتناء الأغنام نزولا عند رغبة والديّ .
أعشق الزراعة والأرض هي راحتي الأزلية ..
أعمل تاجرا متواضعا في دمشق .. ولي ميول بالدراسات الاقتصادية بشكل أساسي
مدرّب للموارد البشرية على تقنيات العلاقات العامة والتسويق الاحترافي .
ولكن عملي اقتصر على فريق عملي بعد توسعه ..
ما أجد نفسي جديرا بالحياة لأجله هو حلم كان بالأمس وبات اليوم يتحقق رويدا رويدا
وأعتقد أنه سيغير كثيرا من المعالم المعتادة ..
لا يزال طعم المرار عالقا في حلقي منذ آخر جرعة تذوقتها فأنا على خط آخروحدي
( مع الاعتذار للشرح )
وككل أبناء الجبل الأشم أفاخر بانتمائي وطموحاتي ولا أعرف أبدا الاستكانة مع أن نفسي تطلب دوما الاستراحة ...
أسعى أن أكون نافعا لعيال الله ,,, أعتذر للإطالة

عدد الرسائل : 80 تاريخ التسجيل : 03/05/2007

أنا من ضيّع في الأوهام عمره .......

نسي التاريخ أم أنسي ذكره ..

غير يوم لم يزل ، يذكر غيره

عندما قابلته أول مرّة...

SALUTATION

عدد الرسائل : 50 تاريخ التسجيل : 20/06/2007

سؤال

صاحب الموضوع

وين بتشتغل Twisted Evil

يعني في شي من الحرفنة Twisted Evil

وأول الرقص حنجلي Twisted Evil

المشكلي كل شي عندي مش مليح
بدخن وبشرب بيرة وبكره البرغل
وبفيق الصبح بدي بصلي لينحكى معي
ومزاجي ومكثرها كثير

وبس

mmm بنت الجبل

يا أهلين فيكي أختي الغالي ..
ياي إختصاصية تجميل ..
بدي زورك شي يوم Very Happy

r-a-a ..
أهلين و سهلين .. Smile

اقتباس :: بحب الاكل المطبوخ باللبن

أنا عازمتك على أكلة كبة بلبن و أبلمة Cool

و عم إستناك عالغدى !!

أخي مش طلال ..

اقتباس :: أهم هواياتي القراءة وبعض الكتابة ,,,
ولا أجد حرجا من التفاخر بمكتبتي التي تجاوزت ألفها الأول ..
والتي جمعت معضمها على سنوات من سوق العتيق ( سوق الحراميي )
وكل كتاب يحمل تاريخ شراؤه ومصدره ). آخر كتاب قرأته هو الثالوث المحرّم ...
وآخر رواية كانت إحدى عشرة دقيقة ..

شي بيخلي الواحد يفتخر إنك من أبناء بلدو ..
و مكتبة متل هاي حطوني فيها 10 سنين ما بمل منها ..
لأنو روح قلبي القراءة .. study

رواية إحدى عشرة دقيقة قرأتها من شي 3 شهور ..
أعجبتني .. لأنها خلتنا نشوف الأمر من جانبهن هني .. و نحنا يللي عمرنا
ما فكرنا إنهن بيستاهلو حتى الشفقة بيوم من الأيام ...
بس مع هيك .. ما عطتني المبرر الكافي ليلي صار ، و عم يصير ..
خلتني إفهم قديش الحياة ظالمة .. بكل معنى الكلمة ..

شكرا لمرورك الكريم ..
تقبل تحياتي ..

kaiser ..
أهلا و سهلا فيك أخي ..
القليل من الأمل ...
تقبل احترامي ..

أخي سالم شريف ..
بما إني صــــاحبة الموضوع .. بعتقد أسئلتك موجهة لإلي ..

اقتباس :: وين بتشتغل

يعني في شي من الحرفنة

وأول الرقص حنجلي

أنا ما بشتغل .. أنا بعدني عم أدرس Rolling Eyes

أما الباقي ..
فاعذرني ما فهمت عليك شي Laughing

ممكن توضحلي شو يعني حنجلى !! bom

و شكرا للمرور ..
تحــــــــــياتي ..

موضوع: بزعل منك بعدين الجمعة يونيو 29, 2007 11:26 pm

مسا الخير
شكرا على تعقيبك ولكن

لا شيء يبرر العمل الذي قامت به بطلة الرواية ، كانت الحياة أمامها .. عريس لقطة كان صاحب العمل ، والمجتمع الهادئ الركين ، والبسيط والآسر الذي تعيش به .. كان بإمكانها أن تبني أحلامها بشكل آخر وبطريقة أخرى .. قليل من الزمن زيادة وسيكون لها العيش بدون هذا القربان الروحي ... إن المتع التي سردها الكاتب ، موجود دون اللجوء إلى بيع الجسد .. كان بإمكانها أن تتزوج وتجرب ما تشاء ، وتسحب قرض بطالة من عنّا وتساوي مزرعة أبقار ... عفوا من عندن

مشكورة على المشاركة الحلوي

ييييييييييييييييييييييييي شو بدي احكي لاحكي

انا اول ما حدا بشوفني بفكرني صغيري وما بعرف غير الضحك والمسخرا

بس لما يجد الجد ما بعودو يعرفوني .........................................

باوقات المرح بكون عم اضحك و بالاوقات الصعبة كمان بضحك ........

يعني بحاول انو خبي حزني ودموعي ورا ضحكتي ........................

حياتي متنوعة ومختلفة وهواياتي ياااااااااااااااااااالطيييييييييييييييييييييييييييييييف

بدو مين يشيل ههههههههههههههههههههههههههههههههههههههههه

برسم وبمثل بالمسرح وبكتب خواطر والكل بقلي كتاباتك بتجنن ..........

اسا بدي انضم لاتحاد الكتاب العرب بسويدا .........................

عندي هوس كتب وروايات وتجميعون واسا عم اقرا رواية حلوي كتيييييييير

اسما الوان من السعادة لمحمد عبد الحليم عبد الله ......................

واخر كتاب اشتريتو هوي اثمن كتاب عندي اسمو صفحات لم تقرأ للكاتب

محمود هايل الجباعي وهوي من تاريخ وعقيدة مذهب التوحيد ودراسة 2006

اكتر رواية اثرت فيني هي البؤساء لدرجة انو الكلمات الاخيرة فيها قدرت

تذرفلي دموعي ....................................

اهم شي عندي بحياتي هي الحياة الاسرية والتماسك الاسري ................

اغلى الناس عندي هني ماما وبابا واخوتي .......................

وانا باعتباري اصغر وحدي بالعيلي والوحيدة انا الدلووووووعة وطلبي

دغري بيتلبى يعني اطلبي واتمني .....................................

يعني باختصار انا سعيدة بحياتي لكن بخاف من الجاي يكون سئ ..........

اكتر شي مخوفني هوي السنه هي لانو صرت بالجامعة هذا اذا ما عدت البكالوريا

ورح عيش لحالي وخوووووووووووووود وحدي متلي كيف بدها تتدبر امورا

بس انا اكيدة انو رح اقدر يعني هذا بالنسبة لالي تحدي كبير كتير

لما اوعا الصبح اهم شي فيروز مع المتي او القهوة ......................

ما بفطر وبستنا الغدا استني .................................................

واطيب الاكلات عندي هني السبتيتشو المعكرونة بالبشاميل والتبولة مممممممممممممم

وبامية وكل شي اسمو خضرا فتوش وسلطة وكل شي .................

ما في كتير اكلات بكرها يعني انا كتييييير رضية بس كرشي مش كبييييرايوا ........

شو بعد بدي احكي مممممممممممممممممممممممممممممممم

اه اسراري كللللووووووووووووووون مع ماما يعني هي صديقتي ورفيقتي وكل شي

عندي

ما عندي صديقات كتير لانو انا حريصة انو يكونو رفقاتي تقريبا عايشين بنفس البيئة

الي عايشي فيها لانو هيك افضل .......

ولما اختار اي رفيقة سلوكا واخلاقا هي اول شي بتطلع علي ......................

حلمي ادرس هندسة و بمووووووووت بهالمجال ادعولي يطلعلي !!!!!!!!!!!

يالله حكيت كتير خلي مجال لحدا غيري يحكي عن حالو شوي

إختي الأمورة و المهضومة thebaby-face I love you

أول شي أهلا و سهلا فيكي .. نور الموضوع flower

اقتباس :: اكتر شي مخوفني هوي السنه هي لانو صرت بالجامعة هذا اذا ما عدت البكالوريا

ورح عيش لحالي وخوووووووووووووود وحدي متلي كيف بدها تتدبر امورا

بس انا اكيدة انو رح اقدر يعني هذا بالنسبة لالي تحدي كبير كتير

و أنا كمان السنة صرت جامعة ..

و كمان بدي عيش لحالي ..

بس أبدا أبدا مو خايفة Suspect

بالعكس مبسوووطة كتير و متحمسة أكتر ..

و عم إستنا إيمتا بيجي 9/9/2007 ، لأنو بيكون أول يوم دوام إلي Very Happy

اقتباس :: حلمي ادرس هندسة و بمووووووووت بهالمجال ادعولي يطلعلي !!!!!!!!!!!

انشالله بيطلعلك يااا رب ..

الله يوفقك عيوني .. I love you

و شكرا كتير على مرورك flower

يه يه سيسي انا وياكي جيالات ............

هوي قلق اكتر من خوف عنجد الانتقال لحياة جديدة

مش سهلة ابدا وخصوصا الابتعاد عن اغلى الناس

بالنهاية كل واحد الو ميولو ورغباته ..............

كمان انا بدعيلك الله يوفقك بالمجال الي اخترتيه

ومشكورة على المشاركة الحلوي

ياسمين

اداري عدد الرسائل : 431 تاريخ التسجيل : 24/03/2007

مرحبا يا غاليين

شو هالموضوع الحلو سيسيليا
والله صار بدي اقرا كل شي لاتعرف على احلى اعضاء
بحكيلكن شوي عني؟؟؟
انا عمري 19 سنة بشهر 11 بصير 20 اذا الله خلانا
يعني برجي العقرب ومثل ما بيقولو من العقرب لا تقرب Laughing

بالاول بدي قول انو احلا شي عملتو بحياتي هو اني تساعدنا انا ومهند وفتحنا هالمنتدى الرائع اللي خلاني التقي باحلى صحاب واخوة لك تقبرو قلبي ماحلاكن I love you

انا حاليا بشتغل وانشاءالله بشهر 9 او 10 رح ابدا دراسة بالجامعة لا تسالوني شو رح ادرس لما ابدا دراسة بقلكن محسوبتكن بتحب تتعلم كل شي وما عارفه بشو تبدا scratch

بالنسبة للاكل ان حطيتولي عراي ستي زلط باكلو يعني ما بتفرق معي بحب كل الاكل بس ما بحب اكل كثير
والشرب ما بحب النسكافيه والكابوتشينو وكل هي الاشياء ابدااااا
بحب المتة والشاي ...والكولا فقط لا غير من المشروبات الخفيفة والغازية
بقضي وقت فراغي يا اما بالقراءة يا اما بحط اللابتوب قدامي وما بعود بتركو ما بتصور عيشتي بلا كومبيوتر Neutral

بحب اسمع كثير اشياء حسب الحالة النفسية Wink

بس اكثر شي اكثر شي هو موسيقى كلاسيكية
كل يوم عندي عالقليلة ساعتين اقعد فيهن بغرفتي اضوي الشموع وحط موسيقى كلاسيكية اتمدد عالسرير واسرح بعالمي الخاص (معروف اني كتومة كثييييير وعندي عالم خاص ما مندخلو الا انا ونفسي !!)
شو بعد بحكيلكن scratch

ايه شو بدكن فيي بس اذا في سؤال انا تحت امركن Wink

يسلمو حبيبتي عالموضوع الحلو اسالوني بعد لاحكي حبيت الفكرة lol!

عدد الرسائل : 50 تاريخ التسجيل : 20/06/2007

أعتذر عن التأخير بالرد على سؤالك

وعودتي هنا هي للتوضيح خوفا من أن يكون هناك أي لبس

المعلومات المطلوبة هي سلوكية أي تعبر وبعد تراكمها عن السلوك وبالتالي كشف الشخصية

عزيزتي أنا لا مشكلة لدي وهذة شخصيتي أي اسمي صراحة

وقلت ذلك لأن بصراحة قالها لي قريب وهو عمي ولا أخجل من قولها

\ مافيك شي مليح \ هذا رأية ألله يهدي كل خلقه Evil or Very Mad

فأنا لن أتحدث عن نفسي لأني صراحة لا أتقن فن التحدث عن النفس drunken

وسأترك للأيام كشف هويتي وما تحمل
بلكي بيطلع رأي عمي خطأ Laughing

أشكرك ....

أصدقائي ...
هذا أجمل موضوع أقرأه في حياتي لما يتميز كاتبه ومشاركيه بالعفوية والصدق الامحدود..
أحسدكم على جمال ارواحكم ....
كم استمتعت فعلاً بقرائة كل التعليقات ...
اشكرك سيسيتا ...
واما اذا اردتالمشاركة معكم ..
فاقول :
انا زوربا ...تجاوز عمري الربع قرن منذ زمن طويل جداً ..
احب الحياة ...جداً ..
وادعوا الآخرين الى ذلك ...عندما تضيق بهم الدنيا ...
وبالنسبة للاكل ..
لا باكل ولا بشرب بس بتطلع بعيوني ( بالليل يا عيني بالليل) Shocked

قرات معظم ما طالته يدي من كتب ..حتى كتب تعليم الطبخ ... Laughing

أشكركم مرة اخرى ...
بااااااي