ناطر

ناطر ع نار الشوق تحرقني بلكي يجيني صوتها من بعيد
قللوا يا قلبي الوجد ذوّبني ونار الصبا في جوانحي بتزيد
مدّيت إيدي خفت تلسعني سماعتي لو جيت آخذها بإيد
من بعد ما الأشواق خانتني طلّعت أرقاما على التحديد
ردّت في صوت كثير ذوّبني مدري همس بتقول شو بتريد
خيّي إجا ما بريد تحرجني عندي مشاكل والهموم تزيد
عند المسا خلّيك ناطرني نسهر سوا ع صوتنا من بعيد
مرّت ساعات وكنت مستنّي ومع كل رنّة كان قلبي يميد
ولما ع ضوّ القمر طلبتني وسمعت صوتا جاي مع تنهيد
تخيّلتها بتميس وبتثني ودقّات قلبا تكثر وبتزيد
والروب ع النهدين عم يعني ما عاد فيّو يقاوم التصعيد
جوز زغاليل زغار بالوكنة بيفرفروا تا يقلتوا من القيد
والشعر ع الكتفين والوجنة يحسمس على شفافا الحمر والغيد
تمنيت حالي روب تسدلني ع جسمها الفتان يوم العيد
أو خيط من كتّان تغزلني منديل تمسح خدّها والجيد
ظلّيت في حلمي تافيّقني صوتا اللي كلّه نغم مع تجويد
قالت حبيبي لا تعذّبني قلبي تعب من كثرة التنهيد