طبق اليوم احلى طبخة

كوني بشتغل بالفنادق
وعندي خبرة كبيرة بالاكل
لقيت انوا من الواجب علمكن على هالطبخة الغير شكل

اسم الطبخة000 بيضات مسلوقة 000

طريقة التحضير
ناتي بطنجرة المنيوم او استانلس مابتفرق
ونملأها بالماء
ومن ثم ناتي بالبيضات
ونضعها بالطنجرة
ولكن بحذر لكي لاتنكسر البيضات
ومن ثم
نضعها على الغاز او الببور كمان مابتفرق
ونتركها لمدة ربع ساعة فقط لاغير
وعندما تستوي جيدا
نقشرها ونضعها في صحن
ونمعسها جيدا
ونضع لها قبصة ملح
وتصبح جاهزة للاكل
وصحتين وعافية
ارجوا ان تنال اعجابكم هذه الطبخة

سيلين ديون كتب:

طبخة لذيذة جداواسمحلي اخي صقر حبران بهذه الاضافة
مع قبصة الملح انصح بقبصة فلفل اسود ووضع جاط لبن
بيطلعوا غير شكل وشكرا على المشاركة

اعدك
بانني ساعمل على النصيحة خطرت الجاي
وشكرا غالمرور

Nesreen كتب:

اخ صقر: يا ريت تدلني كيف بيطبخوا البيض المقلي لانه خبرتي قليلة في مجال المطبخ.

والله يانسرين

بدك تعطيني شويه وقت
بس تكون سالت الشيف تبعنا.....

واهلا فيكي والله...

صدى الايمان كتب:

والله هالطبق المميز لذيذ كثير بس مكلف ما بعرف اذا ميزانيتي بتسمحلي اعملو

بس رح حاول اني استاجر كم بيضة من دجاجات جيراننا

يعطيك العافية شيف بس بالله خلى الطبق الجايي يكون بمستوانا المعيشي الصعب

يسلمو خيي يعطيك العافية

مش مشكلة الميزانية
ابشري لعيونك واللة
في كم جاجي بخم عمتي بتلا
عبتقول
انها بدها تورثني ياهن
منقسمهن
بالنص
شو رايك................

سررت جدا بمرورك
وياهلا
............................

مش طلال كتب:

مسا الخير :
الأخ الشيف صقر حبران
، لقد أعجبني مقالك حول الوصفة السحرية
للبيض المسوّى على النار باستخدام الماء ( المسلوق )
ولي هنا عدة استفسارات . .
علما بأني حاولت تجريبه وما ضبط معي .. .
ويمكن الأكل بدّو نفس ,,, ما بعرف
1- هل كوني أستخدم سطل سمنة قديم .. قد يعوق عملية الطهو ..
علما بأن السطل نظيف وأملس الجوانب حيث فتحه جدي الله يرحمو بمفتاح فرنساوي وطرق زوائده كرمال ما يجرح حدا ..؟؟
2- هل تختلف الطريقة في حالة السلق على غاز وتار خمسة رؤوس عن السلق على غاز سفير حيث لا يمكننا تعيير قوة التدفق للغاز
3- هل استخدام الحطب في الجبل وتحت شجر التفاح وفي الهواء الطلق ، من شأنه تغيير المدة اللازمة للسلق ؟
4- هل يختلف الأمر فيما لو كان لون البيض أحمر أو أبيض ، وما هي الحال لو كان البيض بلدي مسروق من المتحف ( حيث كما تعلم أن البيض البلدي موشك على الانقراض ..
5- وبالتالي ما الوسيلة الناجعة التي قد أتفادى بها الخطأ في التمييز بين بيضة الفرخة وبيضة الدجاجة أم أن الوقت هو نفسه لسلق البيضتين ..
6- بما أنني أعيش في دمشق ، فهل المياه الكلسية قد تعطل عملية الاستواء أم سأضطر لإحضار الماء بالمنشل من مطخ البلد
7- بالنسبة للملح صخري أو بحري ... وميوّد أو بدون يود وما الفرق بينها والأثر الأفضل لوسمحت
8- هل أقوم بتقشير البيض باليد أم أن ذلك محرما ويعتبر إزهاق نفس فيما لو كانت البيضة حامل ، وما هي حال البيضة المموذرة لو سمحت
9- عملية الفعس التي أسميتها .. بالخبزة أم بالأصابع ، قالت لي جارتي أن اللغوصة بالأصابع تمنح الطبخ نكهة مختلفة ...
10- هل يمكننا إضافة السمن العربي أو زيت الزيتون أو الدهن للبيض المفعوس وأي النكهات برأيك أفضل مع مراعاة الحريرات في كل حالة على حدة لو سمحت
11- الفلفل أسود على ما قترحت المشاركة الأخت سيلين ديون أم نستخدم الأبيض لكون نكهته أقوى وضرره على المعدة أخف
12- الطبق المرافق على اقتراح الأخت لبن رائب ... طيب معزا ولاّ غنم ولاّ بقر ...
13- هل بإمكاني إعداد طبق ثانوي من الخضار كالفليفلة الخضرا والبندورة أو المقثا أو الخيار
14- هل تنصح بأطباق أخرى مرافقة ,,,
15- الخبز الذي سنستخدمه لتناول الوجبة عربي أو أسمر أو خبز نخالة أو سكري أو خبز مدعوم وفي حال كان الخبز الأبيض فأي الأفران تنصح به فضة رضوان أو فرن نعيم أو الملتقى بالنسبة للمدينة .. أو نعتمد خبز المخابز الاحتياطية ..
لا تلمني أيها الشيف المحترم فأنت من اختار طبخة معقدة وأنا ما عمتزبط معبي .. بقي سؤال واحد لو سمحت ...
16- إذا كان تناول البيض قد يسبب الحساسية فهل تنصح بوجبة بديلة لو سمحت : bom:
شكرا لك وأعتذر للإزعاج

خيوا
اتعقدناش

خلص سطل سمن بيمشي الحال

بالنسبة للحساسية

نعم انصح بوجبة اخرى

يعني بدل البيض المسلوق

بيض مقلي

وخلص


اسعدني مروك اللطيف جدا
.
.

[size=24]البيض المقلي شو قليل بالبلد

كمان عنا شوية أسئلة لو سمحت
القلاية تيفال أو ألمنيوم
نقليه بالزيت أو بالسمن أو بالدهن أو بالزبدة
وإذا بالزيت
بيكون زيت زيتون أو عباد الشمس أو قطن أو ذرة
وإذا زيت زيتون بعل أو مروي
وإذا ( منختصر ) من باقي الأنواع شو النوعية اللي بتنصح فيها
وإذا سمن عربي أو نباتي أو حيواني أو مهدرج
وشو الماركات اللي بتقترحها
وإذا دهن
دهن غنم أو بقر أو جمل
وإذا زبدة
نباتية أو حيوانية
محلية أو مستوردة
طيب
البيض
بلدي أو تبع المداجن
أو تبع المزارع الكبير الأبيض
خفق
أو بس فقس
منفصل الصفار عن البياض ومنحط كل شي لحال
أو مع بعض
الملح
ميود أو بلا يود
صخري أو بحري
.........
عموما أسءلة كثير والله
حيرتنا
لاقيلنا شي طبخة أسهل
الله يخليك
مع محبتي
ولا تنسى تسامحنا [/size]