هـــــذا..+.. أنا ..+.. ،،، فمن أنت ؟؟

في حديثنا العادي مع أي شخص .. نتجنب التلفظ بكلمة (( أنا ))
أو الحديث عن النفس كثيرا ..

لأنه يسبب (( كما نعلم جميعا )) الكثير من الإزعاج و الإحراج ..

أما هنا في المنتدى ,, أعلم أننا جميعنا نتوق لمعرفة الآخرين أكثر و أكثر..

ستكون هذه المساحة لكم ، لتتحدثو فيها عن أنفسكم ، و لكم قول ما تشاااءون ..

فليس بالضرورة أن يكون عن أوصافك المظهرية ، بل يمكنك التحدث عن أحاسيسك ، عن عائلتك أو عن أصدقائك ، أي شي يخصك و يؤثر بك ...

أتمنى من الجميع المشاركة ..

و سأبدأ بنفسي :

عمري متل ما بتعرفو 18 (( إلا أسبوعين ))

أطيب أكلة عندي : المغربية ، و الأوزي ، وكل المأكولات البحرية ، و التشاينييز فود .. و ما بحب الملاحية و لا التبولة (( هيهي ))
بحب إشرب نسكافيه بس قوم من النوم ، و ما بحب المتة إلا فيها 4 ملاعق سكر و طبعا ماما ما بتشربني لأنها عارفة بمصلا ياها ، فأنا ما بشرب متة

بموووت على شي إسمو حيوانات ,,
ويللي عم يفكر يجبلي هدية على عيدميلادي يا إما يجبلي كلب أو بسة

بيزلو عقلاتي من شي إسمو حشرات ، يعني لو قدامي حية (( أفعى )) بكون كتير مرتاحة ، بس لو قدامي شي صرصور ، ترحمو عليي

لوني المفضل : الأزرق ..

بحب دينا حايك و فضل شاكر كتير ..

أكتر شي بخاف منو بالدنيا (( بس لا تضحكو )) هوي الدببه !!
و دايما بحلم إنو دب عم يلحقني و أنا عم أهرب منو

ما في أشطر مني بالحكي ,, يعني لو قعدت معي 20 سنة ما بنخلص هرجي

بحب الشوكولاتة كتير ..
ما بحب البيبسي و لا الكولا و لا أي مشروب غازي ...

رفقاتي كلن سافرو بعد ما خلصنا السنة ثانوية عامة
نصهن بالأردن و نصهن بمصر ..و في منهن ضلو بالإمارات هون ,,,

أكترإنسان بحبو بالدنيا : خيي الزغير ... بقلو كل شي بيصير معي

ممم شو كمان ؟؟

بعتقد حكيت كتير ,,

بكمل بعدين

يلا صار دوركن ..

و فيكن تسألو بعض أسئلة إذا حسيتو بالفضول ، و ما حدا مضطر يجاوب طبعا ,,

اقتباس :

أنا جديد هون و حبيت شاركك في هاللعبة الممتعة بس بحب أسألك أولا مين أفضل شاعر عندك و و شو أجمل حرف باللغة بتحبيه و شو رياضتك المفضلة و ليش كثير بتحبي الأكل يعني؟ حكيتي كثير عن الأكل

أهلا و سهلا فيك أخي متيم سؤادة ...

أفضل شاعر عندي : بابا

أجمل حرف بحبو .. كل الحروف حلوين !! يمكن بختار الميم / و مندون سبب !!

رياضتي المفضلة : السباحة .. أما ليش .. يمكن لأنو برجي السرطان

ليش بحب الأكل : هيهيهيهيهي
ما بعرف !! بس أنا أكيد بحب الأكل كتير ..
و أغلب مصروفي بيضيع عالمطاعم
مش تفكروني ناصحة !! كلياتي ما بطلع 50 كيلو

طيب أنا بدي إسألك كم من سؤال :

بتدخن شي ؟؟

شو برجك ؟؟

ليش بتحب سؤادة ؟

شو اسم بنت خالتك / بنت عمتك ؟؟ ... و مو ضروري الثلاثي ...

شو بدك تسمي أول ولد بيجيك .. أو شو سميت

و شكرا لمشاركتك أخي متيم سؤادة ,,

تحياتي إلك ...

هلا سيسي...

لو حطيتي أسئلة أهون علينا..يالله رح احكي شغلات بسيطة متل ما انتي حكيتي

اسمي لمى...عمري 19 سنة..و9 ايام ..و11 ساعة ..وعشر دقايق..

بما انو حكيتي عن الاكل يا سيسي رح احكي انا كمان..بحب اكتر شي الورق عنب..والبيتزا..

وبحب النسكافيه كمان كتييييييييير...وما بحب المتي...لا بسكر ولا بلا سكر..

لوني المفضل...الاصفر والاحمر..

بعشق فيروز وصوت فيروز وأغاني فيروز...يعني عندي ادمان عليها فيكين تقولو..كل يوم على الاقل 6 ساعات بسمعها...

بالدرجة التانية..بحب اسمع اغاني دينا حايك وتامر حسني..

بحب البحر..لدرجة الجنون..

أحلى شي عندي ياه إني اقعد عالبحر واسمع فيروز لحتى تطلع الشمس..

بحب القراءة...اكتر شي بقرا روايات بوقت الفراغ..

هدول يلي ببالي هلق...اذا تذكرت شي برجع بكتبو...

شكرا سيسي..

بتعرفو اسمي كاتبو تحت الصورة
بحب التبولة وكاسة بيرا بجنبها
وما بدخن ابدا ابدا ابدا
عمري ما بعرف بحس حال قديم كثير
أخر كتاب قريتو كان عمري وقتها 29 سنه

شكرا سيلسيا انشالله تكون المعلومات عني مفيدة

الغالية : لموش ...
شكرا كتييير عالمرور المهضوم ..

اقتباس :

بحب البحر..لدرجة الجنون..

أحلى شي عندي ياه إني اقعد عالبحر واسمع فيروز لحتى تطلع الشمس..

بحب القراءة...اكتر شي بقرا روايات بوقت الفراغ

سبحان الله ..
نفسي بالضبط ...

بحب إسألك شو الكتب يلي قرأتيها .؟؟

وشو أكتر واحد حبيتيه و أثر فيكي ...

khaldounazzam

شكرا كتير لمرورك و مشاركتك اللطيفة ...


بس عندي سؤال :

عنجد ما بتدخن ؟؟؟

أهلين سيسيليا

اقتباس :

أفضل شاعر عندي : بابا

أولآ بنحب نعرف إذا الوالد شاعر ولا لا طالما معجبة فيه أو إذا كنت معجبة فيه فقط لأنه والدك على رأي المثل (كل فتاة بأبيها معجبة)

اقتباس :

أجمل حرف بحبو .. كل الحروف حلوين !! يمكن بختار الميم / و مندون سبب !!

بتحبي حرف الميم؟؟؟ شكرآ جزيلآ معناها اتفقنا هذا أول حرف من إسمي و أنا بحب السين كمان

اقتباس :

رياضتي المفضلة : السباحة .. أما ليش .. يمكن لأنو برجي السرطان

مش غريبة أنك تحبي السباحة لأنو سيسيليا (جزيرة صقلية) طول عمرها بالبحر عم تسبح مش لأنو برجك السرطان أنا مثلآ برجي القوس وما بحب الطيران

اقتباس :

ليش بحب الأكل : هيهيهيهيهي
ما بعرف !! بس أنا أكيد بحب الأكل كتير ..
و أغلب مصروفي بيضيع عالمطاعم
مش تفكروني ناصحة !! كلياتي ما بطلع 50 كيلو

أستنتج أنك ما بتروحي على ماكدونالز لأنو لو بتروحي كان وزنك القائم مائة كيلو فما فوق

طيب أنا بدي إسألك كم من سؤال :

اقتباس :

بتدخن شي ؟؟

شكرآ على أسئلتك و بالنسبة للتدخين بالحقيقة أنا لا أدخن أبدآ بين السيجارة و السيجارة لأن التدخين ضار و بعدين هذا مبدأ ما بحيد عنو

اقتباس :

شو برجك ؟؟

برجي ذكر آنفآ القوس مواليدي هو 18ـ12ـ......19

اقتباس :

ليش بتحب سؤادة ؟

سؤادة؟؟ و تسأليني عن سؤادة ؟ و قلب القلب تسكنه سؤادة أتسأليني و بقايا الروح موطنها سؤادة؟ أه منك يا سيسيليا ليتك تعلمين من هي سؤادة فهي حبيبة كل من شرب مياهها و أكل عنبها و تينها و شرب خمرها تلك الصخرة الكبيرة الواقعة جنوب سوريا و التي سقتنا حتى ارتوينا وهي العطشى و أطعمتنا حتى الثمالة
هي حبيبتي الوحيدة التي يسعدني أن يشاركني الأخرون حبها و هي أمي الثانية و أمك الثانية أيضآ و أم النصف مليون سويدائي الذين خرجوا منها

اقتباس :

شو اسم بنت خالتك / بنت عمتك ؟؟ ... و مو ضروري الثلاثي ...

إسم بنت عمتى؟ عندي كثير الحمدلله العين مليانة بس رح أعطيك أحلى إسم فيهم (ليلى)

اقتباس :

شو بدك تسمي أول ولد بيجيك .. أو شو سميت

أسم أبني؟؟ أسئلتك تداعب العواطف ما قلتلك أني ما بعرف حتى إسم حبيبتي شو رح يكون إسمها ؟ عمدور عليها بس بحب يكون أسمه (تميم)
تحياتي

~ sisilya ~ كتب:

الغالية : لموش ...
شكرا كتييير عالمرور المهضوم ..

بحب إسألك شو الكتب يلي قرأتيها .؟؟

وشو أكتر واحد حبيتيه و أثر فيكي ...

قرأت..
ثلاثية احلام مستغانمي..(ذاكرة الجسد-فوضى الحواس-عابر سرير) وكتير حبتا وبحب اقراها بعد
شيفرة دافنشينشي+زوربا+(باولو كويلو--احدى عشر دقيقة+الخيميائي)
وبحب اجاثا كريستي وبحب اقرألها..خاصة(الستارة والعميل السري)

بكفيلك بعدين...

طيب انا حابة اسألك بما انك بتحبي البحر..

بشو بذكرك البحر..او ليش بتحبي البحر؟

وشو اكتر غنية لفيروز بتحبيها؟

وبرجع بسألك بعد كم سؤال..

إلي رجعة سيسي

سلام

اقتباس :

أولآ بنحب نعرف إذا الوالد شاعر ولا لا طالما معجبة فيه أو إذا كنت معجبة فيه فقط لأنه والدك على رأي المثل (كل فتاة بأبيها معجبة)

إي بابا شاعر بس ما بيشتغل بالشعر

اقتباس :

بتحبي حرف الميم؟؟؟ شكرآ جزيلآ معناها اتفقنا هذا أول حرف من إسمي و أنا بحب السين كمان

أنا ما فكرت غير برفيقة عمري منال بس حطيت حرف الميم

اقتباس :

مش غريبة أنك تحبي السباحة لأنو سيسيليا (جزيرة صقلية) طول عمرها بالبحر عم تسبح مش لأنو برجك السرطان أنا مثلآ برجي القوس وما بحب الطيران

هههههههههههههههههههه
سيسيليا يعني : القديسة .. مو صقليا !!!

اقتباس :

بس بحب يكون أسمه (تميم)

الله يخليلك يا .. بس يجي

شكرا عالمشاركة ..

لموش :

اقتباس :

قرأت..
ثلاثية احلام مستغانمي..(ذاكرة الجسد-فوضى الحواس-عابر سرير) وكتير حبتا وبحب اقراها بعد
شيفرة دافنشينشي+زوربا+(باولو كويلو--احدى عشر دقيقة+الخيميائي)
وبحب اجاثا كريستي وبحب اقرألها..خاصة(الستارة والعميل السري)

سبحان الله كيف القلوب عند بعضا

أنا قرأت كل ييلي حكيتي عنهن ..
و مبارح خلصت روايتين لأجاثا كريستي
وأكتر وحدة من الثلاثية عجبتني : عابر سرير
و زوربا بحسها الرواية الأروع ...

بس أكتر كتاب قرأتو و أثر فيني كتير و عجبني .. هوي : الرعب و الجرأة ..
أدب روسي ، و مو متذكرة الكاتب ..

اقتباس :

بشو بذكرك البحر..او ليش بتحبي البحر؟

وشو اكتر غنية لفيروز بتحبيها؟

البحر بيذكرني بحياتي كلها .. بس كون قاعدة عالبحر .. بتمر كل
ذكرياتي بهالحياة براسي .. و بكون مرتاحة كتير بهادا الوقت ..

أكتر غناي بحبا لفيروز :

و الله صعب حدد ,, كلهن حلوين و ما في قبلن و لا بعدن

شكرا لموش عالمشاركة الحلوة

ما بدي قلك بأي لغة

إنت دور

موافقة ...

ليش بيحقلي إعترض ؟؟

طيب بدي إسألك :

درست علمي و لا أدبي ؟

أنت؟

ههههههههههههههههههههههه

طيب لمووش خبرينا ..

بتحبي السفر ؟؟

و لو بتحبيه وين أكتر ماكن بتحبي تروحي عليه ؟

و ليش ؟



أنا علمي ****

اقتباس :

موضوع مميز...من مميزة

شكرا سيسيليا الغالية...

يا أهليييين بأحلى لميس

اقتباس :

وبرجي الجوزاء....احلى برج

بحب فضل شاكر كثييييير....( وهوي بحبني )..

هههههههههههههه
أحلى برج لأنو برجك إنتي

و فضل شاكر ما إلو إلا يحبك

اقتباس :

ما تفكروني نصوحة...وزني 48 بس

ياااي نيالك شو ضعيفة

خبريني شو السر

اقتباس :

بحب موبايلي كثير...

كل يوم قبل ما نام بقعد شي ساعة بلعب فيه.......مش بالالعاب طبعا

بمضيها مسجات وحكي وهرجي

يا الله صرنا 2 ...

أنا لازم يكون إلي وقفة قبل ما نام مع موبايلي الغالي


شكرا كييييير عالمرور يللي بيعقد

رجعي خبرينا عنك أكتر

تحياااااتي إلك ...

~ sisilya ~ كتب:

طيب لمووش خبرينا ..

بتحبي السفر ؟؟

و لو بتحبيه وين أكتر ماكن بتحبي تروحي عليه ؟

و ليش ؟
***

اي بحب السفر..

واكتر شي بحب سافر على كندا...

وليش؟؟..من وانا وضغيرة بحب هيك..

تعبت اسئلة اليوم...برجعلكن بكرة او بعد شوي...

وحضري حالك سيسي على كم سؤال..

سلام

مممممم

أوكي عندي كم من سؤال إلك يا لميس ::

1) شو إسما ستك ؟ و بدي التنتين لأمك و لبيك

2) شو هواياتك ؟؟

3) بتخافي من العتمة ؟؟

4) لو رحتي عالمطعم ، شو بدك تطلبي (( غير البطاطا المقلية ))


مرورك بيعقد