طليع حمدان

موضوع: طليع حمدان الجمعة يونيو 29, 2007 4:01 am

هذه بعض من قصائد الشاعر الزجلي طليع حمدان

مبارح متل هلق

مبارح متل هلّق سوا كنّا
وكان الورد فينا وطلع منّا
وتمو التحنّا بخمرك المعصور
جايي عَا بالو اليوم يتحنّا
ضيّعت صوتي بصوتك المسحور
لما سوا إحساسنا تغنّا
متل السوا سمعو غناني طيور
وما بيعرفو مينو القبل غنّا
ملتي عليي خصر صرنا خصور
وشفي جنا عاشفة الجنّا
وكل ما شربت من جدول المنتور
قلو بعد ويقول بتمنّا
كان الهنا ما زارنا من شهور
وكان فينا بعد نتهنّا
بكير لحظات اللقا المحرور
خلصو تَا فلينا غصب عنّا
وفَلّ يوم مبارح ومقهور
ليش دخلك فَلّ يتأنا
إلنَا بَنَى بيت بزهر وعطور
واليوم راح البيت والبنّا
بكرا تعي دموع الربيع نزور
يما مع شفافك يجو لعنّا
يعصرهن علينا صباح النور
ومع بعضنا من جديد يعجنّا
والحب يخبرنا على تنور
عَا آخرو نزدلو حرف منّا
تَا يصير تنوره ملاني زهور
كنا سوا فيها أنا وإنتي
ومعها رجعنا متل ما كنا

حوض ورد

حكيتي معي والشوق لهفّتو
عَا لحن لا سمعتو ولا عزفتو
من صوتك عرفتك حنوني كتير
وكل البعد ما بعرفو عرفتو
عرفت فيكي ليل ومشاوير
وفيكي فجر طالع بهفهفتو
وفيكي الربيع محمّمك بكير
وجايبلك من الزهر منشفتو
لكن أنا سبقتو حلم عَا سرير
شربت الندى عليكي تا نشّفتو
ولقيت فيكي طير ما بيطير
وحدو مخبّا بريش عاطفتو
وحلِمت فيكي حبوب للتخدير
منهن عَصَرت نبيذ ورشفتو
وحلمت فيكي حوض ورد زغير
شميت عطرو بس ما قطفتو
ومنديل عن تمّك بلا تفكير
زحتو حلتمك طفل كشّفتو
وبكرا إذا يقظه الحلم بيصير
بقلّك لقيتك متل ما حلمتك
وشفت اللي شفتو قبل ما شفتو

سواح

كان عمري يا حياتي راح
ولما زماني دلّني عليكي
حسّيت إيامي اجو سواح
وعم ينزلو عَا شط عينيكي
ومهما المناظر يسحرو العينين
السواح منهن يمكن يملّو
ويمكن يفلّو بيوم وبيومين
لكن عيوني وين بيفلّو
إنتي بلادي وساحره النظرات
بتلالك الخضرا وسواقيكي
وشِعري الحنون وبحة النايات
ما بلاقيهن تا لاقيكي
وسواحك النهدات واللهفات
ودمعات ببكيهن تا اسقيكي
بعد البكي ما بيرجعو الدمعات
مطرح ما وصلو بينتهو فيكي

* * *

يا ريت حدّك بنتهي يا ريت
ولا كل مدّي تصيبني كريزه
ولاتوقّفيني قبال باب البيت
متل سايح ما معو فيزه
وحياة عينيك اسأليلي الباب
الخفتي تا يحكي عَنك سكوتو
ليش منك يطعم الما ذاب
وليش اللي ذاب بيحرمو قتو
وأغراب ليش بيلتقو أحباب
عَا باب عم بيقلهن فوتو
وأحباب ليش بيلتقو أغراب
وعَا بعضن بيبقو رح يموتو

* * *
ويوم الحياة بعمرنا مشلول
متل المريض الناطر الساعة
يطلّع حزين بساعتو ويقول
قديش بعد بعيش يا ساعة
يا ريتنا منفل سكرانين
متل النهور البين لبساتين
شبابيكنا من الورد وجراحو
وبوابنا وراق الندي الحلوين
وقلوبنا من الخوف يرتاحو
وتخلص عَا خد الباب كلمة مين
لا الرايحين نشوفهن راحو
ولا الراجعين نشوفهن جايين

مقطع فيديو

طليع حمدان 1

عدد الرسائل : 283 تاريخ التسجيل : 23/05/2007

كان عمري يا حياتي راح
ولما زماني دلّني عليكي
حسّيت إيامي اجو سواح
وعم ينزلو عَا شط عينيكي
ومهما المناظر يسحرو العينين
السواح منهن يمكن يملّو
ويمكن يفلّو بيوم وبيومين
لكن عيوني وين بيفلّو
إنتي بلادي وساحره النظرات
بتلالك الخضرا وسواقيكي
وشِعري الحنون وبحة النايات
ما بلاقيهن تا لاقيكي
وسواحك النهدات واللهفات
ودمعات ببكيهن تا اسقيكي
بعد البكي ما بيرجعو الدمعات
مطرح ما وصلو بينتهو فيكي

mmmبنت الجبل
رائع ما نقلتيه لنا من ابداع
الشاعرالزجلي طليع حمدان
تقبلي تحياتي

عيــ القلب ــون

عدد الرسائل : 144 تاريخ التسجيل : 10/05/2007

الله الله يا بنت الجبل ...

أنا بحب هاللون الزجلي كثير

وخاصة طليع حمدان مع انو من زمان ما سمعت زجل

بس عبحاول اتذكر كم بيت لطليع :

بحبك بحبك وين بدك تهربي

لا تهربي ولا تفزعي من التجربة

رح كون وطن يجمعنا اتنين

ورح كون غربة ان كان رح تتغربي

يا ريتنا بذات الكتاب صفحتين

ونفني عمرنا بهاك المكتبة

يا ريتنا بذات الحديقة وردتين

عند المسا وردة بوردة تختبي

يا ريتنا بعصفور واحد جانحين

ويقرب من الشجرة تمني تقربي

...

يسلمو ايديكي يا صديقتي

أبو الخل

موضوع: مسبعة الكارات : الأحد يوليو 01, 2007 8:22 am

مسا الخير :
شو ما شاء الله عليكي مسبعة الكارات .. بس انشاالله تكوني كثيرة البارات ..
لأنو أصل المثل ( مسبّع الكارات ؟؟؟ قليل البارات ؟؟؟ Very Happy

)
كرمالك هه رح قول سر مقولب بنكتة
هاذا أني ترعرت في البكالوريا زمنا طويلا
ونشأت على موادها لدرجة أن وزارة التربية
حاولت منحي وسام الاستحقاق مضافا له راتب تقاعد من رابطة المحاربين القدماء وضحايا الامتحانات
المهم
وفي النهاية قررت أن أذهب للجامعة فنجحت بالبكالوريا وهالحكي من شي 16سنة
الغاية
إجا لعندي صاحب غاوي زجل .. ومهم والله بهذا الفن كان إسمو عمر الحمدان من كناكر الله يذكروا بالخير ويسعد مساكن ومساه
وقف بباب المضافة ( كنت عامل حفلة تخرج ))
وقال
ما عهدناك من الشطّار ............. ونجاحك أكبر هجنة
صارلك سبع سنين حمار ............ وهالمرّة دور اللجنة
.............. والباقي سأتحفظ به
علما بأن عمر كان رفيق الدرب من الحادي عشر للبكالوريا الأخيرة
عذرا للإطالة
لكن الشيء بالشيء يذكر
سلام flower

عدد الرسائل : 6 تاريخ التسجيل : 24/06/2007

[b]

شكراْ لك يا بنت الجبل لانك جئت به الينا.. شاعر رائع مرهف الاحساس صاحب الكلمة الرقيقة, التي تدخل القلوب دون اي جهد..

موضوع: رد: طليع حمدان الأحد يوليو 08, 2007 11:17 pm

ومعـِك إجـِت وردة ملاني

جروح قلتلها عالعاشقك طـُلي

إنتي وعم طـُلي بتـِجيني الروح

ويا لوعتي إنتي وعم إتفلي

من شعر طليع حمدان ........مهدى لأغلى أخت منوووووووووووووش